News

La Ferata dl Prener á 150 agn: na fascinaziun che romagn!

Dan da 150 agn, d’agost dl 1867, él jü en funziun la ferata dl Prener che coliëia Balsan a Desproch.

Na grandiscima opera por la perioda, n capolaur dla tecnica.

La trassa cun punc, tuní y costruziuns dla ferata é unica y se desfarenziëia ciamó aldedaincö por süa particolarité.

Sön scomenciadia de acompagnadus turistics abilitá y autorisá y en colaboraziun cun Trenitalia y l’Agenzia provinziala por la mobilité, él gnü pité - por festejé - n iade al mëis, de sabeda, iadi da Balsan al Prener acompagná da dui acompagnadus turistics.

Cënc de porsones che á tut pert á podü conësce la storia dla ferata dl Prener y so significat por le svilup cultural y economich de nosta provinzia.

Pian ia dala partënza tla staziun de Balsan él gnü dé, tratan le iade y tratan la vijita al paisc dl Prener, informaziun storiches, tecniches y sön la contrada sön la linia dl Prener y sön le percurs fat dala ferata. La scomenciadia á albü n gran suzes, dantadöt d'agost, canche i acompagnadus s'á presenté cun le guant storich. I acompagnadus á salpü da afasciné la jënt, mo nia ma cun informaziuns avisa y interessantes, mo ince cuntan anetodes y particolars püch conesciüs, fajon insciö a na moda che le iade foss spezial!

Agenzia provinciale per la Mobilità